త్వరలో పెద్ది నుంచి లవ్‌ సాంగ్‌ | Peddi | Ramcharan

Cinemag_masti (Movie Update):  ‘ఉప్పెన’ ఫేమ్‌ దర్శకుడు బుచ్చిబాబు సానా, రామ్‌చరణ్‌, జాన్వీ కపూర్‌ కాంబినేషన్‌లో రూపొందుతున్న చిత్రం ‘పెద్ది’. ఈ సినిమా గ్లింప్స్‌ ఇప్పటికే విడుదలై అభిమానుల్లో భారీ అంచనాలను పెంచింది. ఆస్కార్‌ విజేత ఏఆర్‌ రెహమాన్‌ సంగీతం అందిస్తుండటంతో ఈ క్రేజ్ మరింత రెట్టింపు అయింది.

దసరాకు ‘పెద్ది’ ఫస్ట్‌ సింగిల్‌ వస్తుందని ఆశించిన అభిమానులు నిరాశ చెందగా, దర్శకుడు బుచ్చిబాబు సానా దీపావళికి సంబంధించి ఓ ఆసక్తికరమైన అప్‌డేట్‌ ఇచ్చారు.

తాజాగా జరిగిన ఒక కార్యక్రమంలో బుచ్చిబాబు మాట్లాడుతూ, ‘పెద్ది’ విశేషాల గురించి యాంకర్‌ అడిగిన ప్రశ్నకు బదులిచ్చారు. త్వరలో సినిమా నుంచి ఒక మంచి లవ్‌ సాంగ్‌ ప్రేక్షకుల ముందుకు రాబోతుందని, ఆ పాటకు సంగీత దర్శకుడు ఏ.ఆర్‌ రెహమాన్‌ అద్భుతమైన సంగీతం అందించారని ఆయన వెల్లడించారు. ఈ అప్‌డేట్‌ ఫ్యాన్స్‌లో ఉత్సాహం నింపింది. అయితే, ఈ పాట దీపావళికి వస్తుందా అనే దానిపై దర్శకుడు స్పష్టత ఇవ్వలేదు, కానీ ప్రేక్షకులు మాత్రం అదే ఆశిస్తున్నారు.

స్పోర్ట్స్‌ బ్యాక్‌డ్రాప్‌లో సాగే మాస్‌, యాక్షన్‌ ఎంటర్‌టైనర్‌గా ‘పెద్ది’ తెరకెక్కుతోంది. ‘ఉప్పెన’ బ్లాక్‌బస్టర్‌ విజయం తర్వాత బుచ్చిబాబు నుంచి వస్తున్న చిత్రం కావడంతో ఈ సినిమాపై భారీ అంచనాలు ఉన్నాయి.